LifestyleЗөвлөгөөНийгэмЭрүүл мэнд

Эрэгтэй хүмүүс нас барахынхаа өмнө юунд хамгийн ихээр харамсдаг вэ?

Эрэгтэй хүмүүс нас барахынхаа өмнө юунд хамгийн ихээр харамсдаг вэ?

Эрчүүд нас барахын өмнө нь юунд хамгийн их харамсдаг талаар нэгэн эмэгтэй сувилагчийн ярьсан тэмдэглэлийг хүргэе. “Би олон жил энэ эмнэлэгт ажилласан. Эцсийн мөчөө хүлээж буй өвчтөнүүд л миний хариуцсан тасагт ирдэг. Тэдний амьдралын хамгийн сүүлийн мөчийн гэрч болохдоо бид олон ч сонирхолтой түүх сонссон доо. Тэд бүгдээрээ л хайр, үзэн ядалт, айдас, догдлол, уур хилэн гэх мэтийг мэдэрсэн байсан.

Гэхдээ эцсийн мөч тулахад өвчтөнүүд бүгдийг мартаж, уучилдаг. Би өвчтөн бүртэйгээ ярилцахдаа нэг зүйлийг заавал асуудаг байлаа. “Та энэ амьдралдаа юунд хамгийн ихээр харамсаж байна вэ?”. Тэд өвчин зовлон, царай зүс, ааш зангаараа тэс өөр ч дээрх асуултад ижил хариулт өгдөг байсан юм.

1. Хэн нэгний хүсэлт, хүлээлтээр биш өөрийн хүссэнээр амьдарсан ч болоосой Хүн бүрийн хамгийн түрүүнд хэлдэг хариулт нь энэ байлаа. Амьдрал нь дуусах тэр мөчид эргээд харахад “Тэр үед ганц удаа ч болов өөрийнхөөрөө шийдэх минь яав даа” гэсэн бодол өөрийн эрхгүй орж ирдэг. Учир нь бусдын хэлсэн анхааруулга сануулгаас шалтгаалан мөрөөдлөө биелүүлэх олон боломжийг алддаг аж. Эцэг эх, эхнэр нөхөр, үр хүүхдийнхээ хүлээлтэд эзэн болохын тулд өөрийнхөө хүслээр байж чадаагүй нь хамгийн харамсмаар зүйл байжээ.

2. Юуны төлөө ингэтэл их ажиллав? энэ бол эрэгтэй өвчтнүүдийн хамгийн том харамсал. Тэд гэр бүлийнхээ ирээдүйн төлөө зүтгэсээр үр хүүхдүүдийнхээ өсөж буйг ч анзаараагүй өнгөрсөн. Мөн хайртай гэргийгээ ганц бие ээж шиг амьдруулсан байдаг ба эцэст нь багагүй амжилтанд хүрчихээд хүүхдүүдээ эргэн харах цагт тэд хэдийн холдон одсон байдаг аж. Хэтрүүлж ажилласандаа харамсаж, үхэх цагт өөр дээр нь хэзээ ч ирэхгүй үр хүүхдээ хүлээх өвчтөнүүд… Гэвч тэд энэ бүгдийг ирэхгүй гэдгээ мэдэгдсэн тэр хүмүүсийн төлөө л хийсэн шүү дээ.

3. Өөрийн бодол, мэдрэмжээ ил хэлэх зориг байсансан бол ч… Олон хүмүүс бусадтай “энх тайван” харилцаатай байхын тулд шүдээ зуугаад өнгөрдөг. Түүнээсээ болоод бусдад бүү хэл өөртөө ч үнэнч байж чаддаггүй. Энэ байдал даамжирсаар “Би юу хүсч байна вэ?” биш “Би юу хийвэл ямар нэгэн асуудал үүсэхгүй байх вэ?”, “Юу гэж хэлвэл намайг ухаалаг юм аа гэж бодох бол?” гэсэн нөхцөл байдалд тааруулдаг болчихсон байдаг.

Харин хөгшрөх тусам өөрийгөө бүрэн илэрхийлж, уурлаж бухимдах үедээ уурлаж, гомдох үедээ гомдож байх минь яавдаа хэмээн харамсдаг байна. Сэтгэл хөдлөлөө чөлөөтэй илэрхийлснээр тухайн үед хэд хэдэн хүнийг бухимдуулж болно. Гэхдээ өөрийн зангаа нуугаагүй учраас тэр хүмүүст хэзээд үнэн төрхөөрөө байдаг гэдгээрээ үнэлэгддэг. Хүмүүс ч чамтай яаж харилцахаа мэддэг болно. Хамгийн гол нь чиний амьдралд худал харилцаа гэж үгүй болох юм.

4. Найзуудаасаа харьцаагаа таслах хэрэггүй байсан юм Үр хүүхэд, гэр бүл, ажил гэсээр найз нөхдөө орхиж, уулзахаа больж, нэг л мэдэхэд харилцаа нь холдсон байдаг. Харин хамаг бүхнээ зориулсан үр хүүхэд нь том болж, тусдаа гарахын цагт ганцаардлыг хамгийн ихээр мэдэрч, биеэ чагнасаар байгаад өвдөх үе бишгүй. Эцсийн мөчөө хүлээж буй хүмүүс нэгэн цагт үргэлж хамтдаа байсан найзтайгаа уулзах хүсэлтийг ихээр тавьдаг ч уулзаж амжихгүй өнгөрдөг байлаа.

5. Би өөрийгөө аз жаргалтай амьдрахыг зөвшөөрсөн ч болоосой Ийм хариулт авна гэж би огт бодоогүй байлаа. Тэд өнгөрсөндөө зууралдаж, өнгөрсөндөө хүлэгдэж, өнгөрсөндөө харамссанаас болоод одоогийнхоороо амьдрах боломжоо алддаг байж. Хэн нэгнийг аз жаргалтай байлгахын тулд гэхээсээ илүү өөрийгөө аз жаргалтай байлгахын тулд юу ч хийхгүй байсаар, энэ насыг барах үедээ харамсах нь хичнээн харамсалтай вэ?

Хүн хэзээ өөрийнх нь эцсийн мөч ирэхийг мэдэж байх үедээ бусдын бодол, санааг жинхэнээсээ хамаарахаа больдог. Үнэндээ маргааш ч биднийг үхэл хүлээж байгаа ч юм билүү, хэн ч мэдэхгүй шүү дээ. Муу амлах гээгүй юм шүү. Гэхдээ л хэзээ юу болохыг хэн ч мэдэхгүй байхад аль хэдийнэ болоод дуусчихсан өнгөрсөнд, хэзээ ирэх нь мэдэгдэхгүй ирээдүйн хайр дурлалд, амьдралд чинь тэгтлээ нөлөөлж чадахгүй, хамгийн амархан өөрчлөгддөг зүйлсийн нэг болох бусдын бодолд бүх сэтгэл, эрч хүч, энергээ зарцуулах нь яг юуны төлөө юм бэ?

Харин түүний оронд маргааш ч бүх зүйл дуусчихаж мэдэх юм шиг зоригтой шийдвэр гаргаж, өөртөө үнэнч байж, энэ ертөнцийг орхихдоо сэтгэл хангалуун, харамсах зүйлгүй байсан нь хамаагүй жаргалтай биш гэж үү? Хэрвээ чи ч гэсэн өнгөрсөндөө харамсахыг хүсэхгүй байгаа бол одоогоороо л амьдар. Харамсал гэдэг зүйлийг амьдралдаа байлгахгүйн тулд зүгээр л хий, яг одоо яамаар байна түүнийгээ л хий. Ихэвчлэн өнгөрсөнд болсон тэр зүйлдээ харамсаад л байдгаас биш чамд юу авчирсныг нь бодож ч үзээгүй байдаг.

Тэр үйл явдал болсон учраас л чи илүү хүчтэй, илүү ухаалаг, илүү туршлагатай “өнөөдрийн чи” бий болсон шүү дээ. Тийм болохоор чамд тусласан, “харамсмаар” өнгөрсөнд ч талархаад байх ёстой газарт нь үлдээ.

Show More

Төстэй мэдээ

1 сэтгэгдэл

  1. manai nuhur mash zalhuu, hiij bgaa n gevel nuguu zuilee suitgej hiideg, gar nuuree, shudee ugaana gj bgui, heleheer uurlaad bdag n uneheer gaihmaar, tiim murtluu yag deerh niitleld bichsen shig ym yaridag. ter helehdee; “eregtei humuus uhehiinhee umnu husseneeree amidrah mn yav daa gj helsen bdag, bi ch gesen tegj boddog” gedeg. uneheer jihuudes hurmeer. neg ajil hiihdee baas sheestei n zuurah, esvel evdene, alh hadaas heregtei gedgiig ch bodohguigeer shuud l barij avaad bi hadchii gj hadagdah zuiliig n barij guij baisnaa haa neg gazar taviad l martchihna, bas martuulna, mash ih yaria uchraas hunii ajliig ch alna, uuruu bol yamar ch tuluvluguu bgui huduldug uchir yu ch boddoggui. bainga iimerhuu baidaltai hun iim zuil buyu duraar amidardag bj ntr gesen utgiig yarihaar uneheer aimar. ajil hiij chaddaggui, uuriinhuu dutagdliig ogthon ch boddoggui hun bas iimerhuu zuiliig unshaad uuriiguu duviilguj ingej bodohoor gaihash baragdah shig. tegeed ch yur eregteichuud iim bodoltoi bdg gsen ene niitlel bol uuruu ih utgagui buruu sedel ugsun niitlel ym bna. yug ch hiij chaddaggui er hunees bolj ajil emherch uguhgui hetsuu ym bna. urd nasandaa ih l uiliin urtei hun bj de gj bi uuriiguu boddog ym. arhinii hamaaraltai boloh duhuj bsan hun gehed odoo bol barag uudaggui gj helj bolohoor hun. gehdee zan tuluv n muu togtson hun yurduu l avah ym uneheer bgui ym bna, baihguigees baraatai gedeg ch , demii zuil yarij maazarch ineeh /yag l gaj ymu gj bodogdohoor/ ur huuhdeesee sanaa zovohgui ug yaria heregleh, zohisgui zuil deer uurlaj bgaa n geed uneheer buhimdmaar, burhanii shiitgel l ym bh da

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн

Санал болгох

Close
Back to top button
facebook
Close
Close