LifestyleЭрүүл мэнд

ХҮЗҮҮНИЙ өвчнийг 5 мин намдаах дасгал

Компьютерын ард өдөржин сууж, гэртээ ирээд утас, зурагтаас холдохгүй суусаар хүзүү орчмын хэвийн байдал алдагддаг. Тоо дурдвал, ажилтай хүмүүсийн 45% нь амьдралдаа дор хаяж нэг удаа хүзүү нь хөшдөг гэсэн судалгаа ч бий. Аз болж хөшингө өвчнөөс хурдан агаад хялбар салах дасгал байдаг аж. Нэмэлт эмчилгээ шаардлагагүй ердөө таван минутад хүзүүн хөшингө арилгах дасгал танилцуулж байна.

Алхам 1: Хүзүүний булчинг суллах


Эхлэх байрлал: Сандал дээр нуруугаа тэгш байрлуулж тухтай сууна.
Дасгал:
Хоёр гараа дагзандаа авна
Эрүүгээ цээж рүүгээ, доош буулгана
Толгойдоо бага зэргийн даралт өгч, шилэн хүзүүгээ сунгана.
Хугацаа: 30 секунд

Алхам 2: Мөрний уян хатан байдлыг дэмжих

Эхлэх байрлал: Сандал дээр, эсвэл газар тухлан сууж нуруугаа тэгш байрлуулна.
Дасгал:
Зүүн гараа зүүн чих рүү аваачиж тохойгоор арагш нугална. Алга дотогш харсан байна.
Баруун гараа мөн л тохойгоор нь нугалан нуруундаа авч алгаа дотогш харуулна.
Нуруугаа эгцэлж, цээжээ дэлгээд хоёр гараа нийлүүлнэ.
Гар болон цээж сунаж мэдэгдэх ёстой.
Эрүүгээ цээж рүүгээ, доош буулгана
Толгойдоо бага зэргийн даралт өгч, шилэн хүзүүгээ сунгана.
Хугацаа: Хоёр гар тус бүрт 30 секунд

Алхам 3: Хүзүү орчмын цусны эргэлтийг сайжруулах

Эхлэх байрлал: Нуруугаа эгцлэн зогсож гараа мөрний дагуу байрлуулж, хөлдөө мөрний хэмжээтэй зай авна.
Дасгал:
Гараа тэгш хэвээр байлгаж мөрөө чих рүүгээ зөөлөн өргөөд хэдэн секунд барьна.
Мөрөө буулгаад дахин дээшлүүлнэ.
Хугацаа: 30 секунд

Алхам 4: Гарын булчинг суллах

Эхлэх байрлал: Хана руу зүүн талаа харуулан, зүүн хөлөө баруун хөлийн урд гарган эгц зогсоно.
Дасгал:
Толгойгоо зүүн мөр давуулан хойш эргүүлнэ.
Зүүн гараа мөр рүүгээ зөөлөн өргөж, их биеэ зөөлөн эргүүлж алгаа мөртэй нэг хэмийн хананд наана.
Зүүн гараа эгцэлж толгойгоо урагш эргүүлнэ.
Цээжээ аажмаар дэлгэж зүүн мөр, цээж сунах хүртэл сунга.
Хугацаа: Хоёр гар тус бүрт 30 секунд

Алхам 5: Байрлалдаа анхаар

Эхлэх байрлал: Сандал дээр, эсвэл газар тухлан сууж нуруугаа тэгш байрлуулна. Мөрөө бага зэрэг арагш, толгойгоо урагш харуулан сууна.
Дасгал:
Аль их өвдөж байгаа талынхаа гарын хоёр хуруугаар эрүүн дээр дарна.
Хуруугаа эрүүндээ хүргэсэн чигээр эрүүгээ аль болох холдуулна.
Буцааж дотогш түлхэн давхар эрүү үүсгэнэ.
Аль аль байрлалд хэдэн секунд барих хэрэгтэй.
Хугацаа: Хоёр гар тус бүрт 30 секунд

Алхам 6: Булчин таталтыг зогсоох

Эхлэх байрлал: Нуруугаа эгцлэн тухтай байрлалаар сууна
Дасгал:
Гараа дээш өргөж тохойгоор нь нугалаад алгаа толгой дээрээ нийлүүлнэ.
Эрүүгээ шалтай тэгш хэмд байлгаж толгойгоо зүүн тийш гилжийлгэ.
Хэдэн секунд байрлалаа бариад дараа нь баруун тийш эргүүлнэ.
Мөн адил тодорхой хугацаанд бариад нөгөө тал руу гилжийлгэнэ.
Хугацаа: 30 секунд

Алхам 7: Хөлдөө мөрний хэмжээтэй зай авч гараа доош буулгасан байх.

Эхлэх байрлал: Нуруугаа эгцлэн тухтай байрлалаар сууна
Дасгал:
Гараа толгойноос дээш өргөж, тохойгоо тэгшлэн алгаа нийлүүлнэ.
Гараа тэгш хэвээр сунгаж нуруугаа өргөн хэдэн секунд барина.
Гараа зөөлөн буулгаж тохойгоо нугалан нурууны ард аваачина. Дараа нь тохой, мөрөө аль болох дотогш шахаж нийлүүлэхийг хичээнэ.
Хэдэн секундийн дараа дахин гараа өргөөрэй.
Хугацаа: 1 минут
Анхааруулга: Эдгээр дасгалыг цочир хийж болохгүй, алгуурхан хөдлөх хэрэгтэй. Хөдөлж байхад өвчин ширүүсвэл яаралтай зогсоож эмчид хандана уу.

Шошго
Show More

Төстэй мэдээ

Хариулт үлдээх

Таны и-мэйл хаягийг нийтлэхгүй. Шаардлагатай талбаруудыг *-р тэмдэглэсэн

Back to top button
facebook
Close
Close