НийгэмФото мэдээ

ЗГ-с олгож буй 300 мянган төгрөгөө ямар данс руу орсоныг шалгах заавар

Монгол Улсын Засгийн газраас хатуу хөл хорионы 15 хоногийн хугацаанд иргэн бүрд 300 мянган төгрөгийн нэг удаагийн тусламжийг олгохоор болсон билээ.

Иргэн та 300,000 төгрөгийн мөнгөн тусламжийг өөрийн аль дансанд орсон тухай мэдээллийг шалгах бол https://ebarimt.mn/300 холбоосоор хандан мэдэх боломжтой.

Сангийн сайд иргэдэд дэмжлэг болгож буй 300 мянган төгрөгийг 7-10 хоногт бүрэн шилжүүлж дуусах тухай мэдээлж байсан юм.

КОРОНАВИРУСИЙН ХАЛДВАРААС СЭРГИЙЛЭХ ЗӨВЛӨМЖ • ГЭРИЙН НӨХЦӨЛД ХАЛДВАР ДАМЖИХААС СЭРГИЙЛЭХ  ДЭГЛЭМ

1.Өвчтөнг агааржуулалт сайтай өрөөнд байлгана.

2.Өвчтөнг нэг эрүүл хүн асарч, сувилна.

3.Гэр бүлийн бусад гишүүдээс тусад нь өөр өрөөнд байлгах, боломжгүй бол өвчтөний орыг гэр бүлийн гишүүдээс нэг метрээс доошгүй зайд байрлуулж, тусгаарлах хаалт хийнэ.

4.Өвчтөнийг гэрээс гаргахгүй бөгөөд өрөөний цонхыг тогтмол нээж, агааржуулна.

5.Өвчтөн бие зассаны дараа суултуурын тагийг таглаж усаа татах, ариун цэврийн өрөөг хэрэглэсэн тохиолдол бүр ахуйн хэрэглээний цэвэрлэгээний бодисоор цэвэрлэж, халдваргүйжүүлнэ.

6.Асран хамгаалагч нь өвчтөний өрөөнд орох бүртээ амны хаалт зүүнэ.

7. Өвчтөнг асарч дуусаад гараа угааж амны хаалтыг тайлах ба үүний дараа гараа давтан савантай бүлээн усаар сайтар угаана.

8.Хоол идэхийн өмнө болон дараа, ариун цэврийн өрөөнд орсны дараа, өвчтөний бие түүний эргэн тойронд хүрэлцсэн бол гараа савантай бүлээн усаар заавал угаана.

9.Өрөөний байнга хүрдэг хэсгүүд / ширээний тавцан, тавиур, гар утас, компьютерийн гар, таблет, орны хажуугийн шүүгээний тавцан, ариун цэврийн өрөөний эд зүйлс, хаалганы бариул / гэх зүйлийг өдөр бүр ариутгаж цэвэрлэнэ.

10.Өвчтөн ханиах найтаах үед нэг удаагийн алчуур, салфетка хэрэглүүлж, хэрэглэсэн алчуур, салфеткийг шууд хаяна, эсвэл гарыг нугалж, тохойн дотор тал руу ханиаж, найтаалгана.

11.Өвчтөний нус, цэр, шүлс, шээс, өтгөн, цусанд хүрэлцэхээс зайлсхийх, тэгдээрт хүрэлцэх, цэвэрлэх үедээ ус нэвтэрдэггүй материалаар хийсэн хормогч, нэг удаагийн бээлий өмсөх ба тэдгээрийг тайлах бүртээ гарын ариун цэврийг сайтар сахина.

What's your reaction?

Related Posts

1 of 19

Leave A Reply

Your email address will not be published.