Хөлөнд яс ургах нь олон хүмүүсийн хувьд толгойны өвчин болдог билээ. Явахад хөл янгинаж өвдөх, гутал өмсөхөд яс ургасан хэсгийг холгох, гадаад үзэмж талаасаа хөл таагүй харагдах гэх мэт асуудлуудыг дагуулдаг.
Ихэвчлэн хэт бариу гутал өмсөх, буруу хооллолт, удамшил, хэрх өвчнөөс үүдэж илүүдэл яс ургадаг байна. Эмнэлгийн мэргэжилтнүүд хэлбэр засагч хөлөндөө зүүхийг зөвлөдөг боловч энэ нь маш урт хугацааны удаан үр дүнгээ үзүүлдэг арга юм.
Байдал хүндэрсэн нөхцөл байдалд хагалгаагаар авхуулахыг зөвлөдөг. Харин уламжлалт анагаах ухаанд энэ асуудлыг өөрөөр шийдэх арга бий.
Нэгдүгээр арга
Бие организмаасаа илүүдэл давсыг гадагшлуулах хэрэгтэй. Үүний тулд 1 хоолны халбага сайтар жижиглэсэн лаврын навчыг 300 мл устай холин гал дээр тавиад 5 минут буцалгана. Бэлэн болсон уусмалыг саванд юүлээд өглөө болтол хөргөөж өдрийн турш бага багаар ууж дуусгана.
Нэг дор бүгдийг нь ууж болохгүй. Ийм байдлаар 3 хоног дарааллан бэлдэж уугаад долоо хоног завсарлага авсны дараа дахин 3 өдөр уух хэрэгтэй.
Хоёрдугаар арга
5 ширхэг том лаврын навчыг 100 мл архитай холиод долоо хоног байлгасны дараа 2 сарын турш ургасан ясан дээрээ тавихад аажмаар алга болох болно.
Гуравдугаар арга бол йод ашилах
5 ширхэг аспиринийг жижиглэж 10 мл йоданд уусган хөвөнд шингээгээд зөвхөн хөлний илүүдэл яс ч гэлтгүй өвдөг, тохой гэх мэт үе мөчний асуудалтай хэсгүүд дээрээ тавьж болно. 30 хоногийн турш орой унтахдаа үрэвссэн ясан дээрээ йодоор сетка тавиад унтаарай. Хавдар, өвдөлтийг буулгахад тустай. Йод, нимбэгний шүүсийг 1:1 хэмжээтэй холиод түрхэх нь ясны ургалтыг зогсооход ашиг тустай.
Дээр дурдсан аргуудын аль нэгийг нь сонгож туршиж үзээд хүссэн гутлаа өмсөөд өөртөө итгэлтэй алхаарай. Танд амжилт хүсье!
ХЭРЭГЛЭХЭЭС ӨМНӨ МЭРГЭЖЛИЙН ХҮНЭЭС ЗААВАЛ ЗӨВЛӨГӨӨ АВНА УУ. МӨН ХАРШЛАХ ЗҮЙЛ БАЙВАЛ ХЭРЭГЛЭЖ БОЛОХГҮЙГ АНХААРААРАЙ.
