Сошиал орон зайд анх өөрийнхөө турсан туршлагаараа танигдаж байсан иргэн Б.Цэцэг буюу “Дух” Цэцэг өдгөө улс төр, нийгмийн асуудалд хошуу байтугай хуруугаа дүрж яваа нэгэн. Өнгөрсөн долоо хоногт болсон НИТХ-ын 16-р хуралдаанаар “Сэлбэ гол” төслөөрөө 3,1 тэрбумыг батлуулж чадаагүй тэрбээр ихээхэн хорсолтой яваа бололтой.
Өөрийн фэйсбүүкийн 216 мянган дагагчиддаа хандаж “Хэзээ ч үр шимийг нь хүртэж чадахгүй татвараа төлөхгүй байхад л асуудал аяндаа цэгцэрнэ… ЖДҮ, Хөгжлийн банк, Таван толгой, Оюу толгой, Төмөр зам гэх зэрэг айхтар том хулгайтайгаа монголын төр хэзээ ч хариуцлага тооцож чадаагүй цаашдаа ч чадахгүй. Харин одоо тэд их, бага идсэнийхээ зодооныг хийцгээж байна. Хооронд нь сайн алалцуулаад хараад суухад яг болох цаг…” хэмээн гомдож, шарлахсан өнгө аясаа илэрхийлжээ.
Түүний хувьд НИТХ-аар ажилчдынхаа цалин хөлс, оффисын түрээст төлөх 3,1 тэрбум төгрөгөө батлуулж чадаагүй ч, БНХАУ-аас авах 60 сая ам.доллараас “хишиг хүртэнэ” хэмээх горьдлогоо тээсээр яваа. Үүнийгээ ч хэвлэлд тайлбарлаж “Харамсалтай байна. Гэхдээ би төслөө орхино гэж хэлээгүй” хэмээн ярьсан түүхтэй.
