Австралид залуу охид замын тэмдэг бариад жилд 130,000 ам.долларын цалин авч болдог аж. Энэхүү цалин нь тус улсын багш, сувилагч нарын цалингаас хэд дахин их юм. Тэднийг “модон чихэртэй бүсгүйчүүд” гэж нэрлэдэг бөгөөд эдгээр бүсгүйчүүд барилгын ажил явагдаж байгаа талбай, том ачаа тээвэрлэж буй машин явж өнгөрөх үед анхааруулдаг байна.
Одоогийн байдлаар Австралийн засгийн газрын томоохон төслүүд дээр 12,000 гаруй хүн, жижиг хотуудад мянга гаруй хүн ийм ажил хийж байгаа гэнэ. Хамгийн аюултай буюу суваг, шуудуу гаргаж буй талбай дээр ажилладаг бүсгүйчүүд жилд 263,000 ам.доллар хүртэл цалин авдаг байна.
